Kunsten å lære:
Kva skjer i hjernen når vi driv med kunst, kultur og handverk? Eller: Kvifor har mennesket drive med kulturaktivitet til alle tider, utan at det nokon gong har døydd ut? Dette kurset vil vera eit hybrid workshop-foredrag som tek deltakarane med inn i hjernen og undersøkjer kva som skjer når ein driv med kunst-, kultur og handverksaktivitetar. – Kva kjenneteiknar aktivitetar som har positiv effekt på hjernen si utvikling? Korleis kan vi rigge skule-aktivitetane slik at det stimulerer læring, kreativitet, meistring og glede? Workshop-foredraget tek utgangspunkt i prosjektet Kunsten å lære, eit forskings-, kunst- og skuleutviklingsprosjekt som har sett på nettopp koplinga mellom kultur og hjernen i skulen. Les meir om prosjektet her: https://kunstenalare.no
Om kurshaldarane:
Marie Othilie Hundevadt: Scenekunstnar, lærar og rådgjevar for Den kulturelle skolesekken i Innlandet fylkeskommune. Prosjektleiar for Kunsten å lære.
Ulrika Håkansson: Førsteamanuensis og klinisk psykolog, Institutt for psykologi, Høgskolen i Innlandet. Forskingsleiar i Kunsten å lære.
Målgruppe for kurset:
Deltakarar på Sløydskulen, lærarar, andre som er interesserte i kunst, kultur, handverk og skule.